U zhvilluan sot dy ndeshjet e radhës në Kupën e Kombeve të Afrikës të vlefshme për grupet C dhe D.
E nis sikurse pritej Senegali, që iu imponua me rezultatin e pastër 2-0 Tanzanisë.
Keita Balde u dha epërsinë senegalezëve në pjesën e parë, ndërsa golin e sigurisë e realizoi Diatta në fraksionin e dytë.
Edhe Maroku fitoi me Namibinë, por me rezultat minimal dhe me fat, pasi një minutë para përfundimit të kohës së rregullt Keimuine devijoi në mënyrë të pavullnetshme topin në portën e skuadrës së tij.
