Jose Mourinho promovon Interin e Antonio Contes. Trajneri portugez, i cili ka qenë në krye të zikaltërve për t’i udhëhequr drejt tripletës, beson se në një kohë të shkurtër skuadra italiane do të kthehet mes më të mëdhave të Europës.
“Interi që tani ka një skuadër të mirë, një projekt të ri dhe shumë para për të investuar. Sezonin e ardhshëm, ndoshta jo, por mendoj se për dy vite mund të synojë triumfin në Champions”, thotë “Special One”.
Gjithsesi, për portugezin, pretendentët për të kupën me veshë të mëdhenj janë të zakonshmit.
“Juventusi, Bayerni, PSG, Manchester City, Barcelona, Reali, Atletico dhe Liverpooli. Mes këtyre skuadrave do të jetë fituesi i edicionit të ardhshëm. Chelsea? E vështirë, sepse i është bllokuar merkato”, deklaroi Mourinho.
