Një start i “çmendur” në finalen e Ligës së Kampionëve e cila po zhvillohet në Madrid, në ‘Wanda Metropolitano’.
Kur kishin kaluar vetëm 30 sekonda lojë, gjyqtari akordoi penallti pasi Moussa Sissoko e ndali topin me dorë brenda 16-metërshit.
Edhe pse rasti u konsultua me VAR-in, nuk pati ndonjë reagim nga dhoma e teknologjisë për t’u anuluar vendimi i arbitrit kryesor.
Pas dy minutash lojë skuadra e Liverpool arriti të kalonte në avantazh falë një penalltie të realizuar nga Salah.
Por, tifozët e futbollit kanë nisur reagimet e tyre në rrjetet sociale, duke publikuar fotografi dhe video ku kontestohet vendimi i gjyqtarit.
“Nuk mendoj se ishte penallti”, kjo është kryefjala e tifozëve të Tottenhamit në rrjetet sociale.
