Tre futbollistë të kombëtares të Nikaraguas janë përjashtuar nga Federata për shkak se u kapën me prostituta, pas humbjes 4-0 ndaj Kosta Rikës, në përballjen e vlefshme për Gold Cup.
Bëhet fjalë për futbollistët Marlon Lopez, Karlos Montenegro dhe Karlos Çavarria. Ata nuk do të jenë pjesë e kombëtares së Nikaraguas në turneun e Amerikës Qendrore dhe asaj të Veriut, teksa trajneri do të ketë në dispozicion vetëm 20 lojtarë.
Incidenti ndodhi 4 orë pas ndeshjes, ndërkohë që Montenegro dhe Lopez u aktivizuan si titullarë në përballjen ndaj Kosta Rikës.
“Ne jemi një ekip që përfaqëson vendi dhe populli, dhe jemi ambasadorë të sportit, prandaj nuk mund të lejojmë gabime serioze në fillim të kompeticionit. Nëse ka diçka që e ka rritur futbollin tonë është disiplina”, u shpreh trajneri Duarte.