Në të gjithë mediat italiane flitej se Paolo Maldini dhe Zvonimir Boban ishin shumë afër për të marrë një post të rëndësishëm tek Milani.
Ditën e sotme ka ardhur edhe zyrtarizimi i të dy legjendave kuqezi. Milan ka komunikuar se Paolo Maldini do të jetë drejtori i ri teknik dhe Zvonimir Boban Shefi i Zyrës së Futbollit. Të dy do të punojnë rreth merkatos dhe planeve të skuadrës. Prej kohësh flitej kjo lëvizje, por vetëm ditën e sotme, është bërë zyrtare.
Pas zgjidhjes së stafit administrativ, tek “Djalli” po punojnë për të gjetur trajnerin që do t’i drejtojë sezonin e ardhshëm. Me shumë mundësi trajneri i ardhshëm do të jetë Marko Xhiampaolo, i cili pritet të ndërpresë kontratën e tij me Sampdorian.
