Në finalen e Champions League 2018, kur Real Madridi fitoi ndaj Liverpoolit, kujtohet ai episod i Sergio Ramos me Mohamed Salah.
Shumë egjiptianë u zemëruan me Ramosin pas përfundimit të finales, pasi Salah u dëmtua rëndë në shpatull gjatë një përplasjeje me qendërmbrojtësin spanjoll.
Megjithatë, koha shëron të gjitha plagët dhe Ramos u mirëprit kur mbërriti në Egjipt, ku do të kalojë një pjesë të muajit të mjaltit me Pilar Rubio.
Ramos u përshëndet me lule dhe himni i Real Madridit u luajt në sfond.
Duket që edhe vetë lojtari u befasua nga mikpritja që i bënë egjiptianët, duke marrë parasysh komentet urryese të tyre nëpër rrjetet sociale pas përplasjes që pati me yllin e Liverpoolit.
Në videon e mëposhtme mund të shihet më së miri se si u prit Ramos në Egjipt.
