Atletico Madridi pritet ta zyrtarizojë shumë shpejt transferimin e Elseid Hysajt.
Mbrojtësi i Kombëtares shqiptare ka vendosur të largohet nga Napoli dhe mediat spanjolle shkruajnë se në ditët në vazhdim “Los Colchoneros” do të prezantojë blerjen e mbrojtësit të djathtë.
Shkodrani tashmë i ka valixhet gati dhe ai tashmë po pret vetëm arritjen e marrëveshjes dhe më pas të udhëtojë drejt Madridit.
Sipas “La Repubblica”, presidenti i Napolit, Aurelio De Laurentiis e ka konfirmuar arritjen e marrëveshjes mes dy klubeve.
I lindur në vitin 1994, Hysaj nuk ishte në planet e trajnerit Carlo Ancelotti sezonin e kaluar, prandaj vendosi të largohej për të mos përfunduar prapë në stolin rezervë.
