Real Madrid nuk e ka mbyllur merkaton dhe Paul Pogba është objektivi kryesor i Zinedine Zidanes.
Sipas lajmeve të fundit që vijnë nga Spanja, “Los Blancos” po përgatisin një ofertë të parefuzueshme për Manchester United dhe për francezin.
Ndoshta mund të duket e pabesueshme, por Florentino Perez ofron 80 milionë euro plus kartonin e Gareth Bales dhe Toni Kroos, shkruan “El Chiringuito”.
Gazetari i njohur iberik, Eduardo Inda jep një koment edhe për interesimin e Juventusit. “Vetëm një skemë e Mino Raiolës për të rritur çmimin e francezit, asgjë tjetër…”, thekson Inda.
