Ndeshja miqësore mes Liverpoolit dhe Sevillës u prish nga një ndërhyrje tejet e rrezikshme dhe e pashpjegueshme e lojtarit të spanjollëve Joris Gnagnon ndaj Yasser Larouci të anglezëve.
Gnagnon e goditi nga mbrapa Laroucin direkt e në kërcin e këmbës së djathtë.
18-vjeçari u largua me barelë jashtë fushës pas horrorit që përjetoi, ndërsa Gnagnon u përjashtua direkt me karton të kuq.
Kjo ka ngjallur reagime të ashpra nga lojtarët dhe tifozët e Liverpoolit, të cilët e kanë dënuar veprimin e lojtarit të Sevillës duke e quajtur mungesë respekti veçanërisht në një ndeshje të këtij karakteri.
