Joakim Andersen largohet nga Sampdoria, dhe zyrtarizohet tek Olimpik Lioni në Francë.
Për mbrojtësin kishte shumë oferta nga skuadra të ndryshme, por danezi zgjodhi që të vazhdojë karrierën e tij në kampionatin francez. Milani ishte një nga skuadrat e interesuara për lojtarin, i cili pëlqehej shumë nga ish-trajneri i tij Xhampaolo.
Por, kuqezinjtë nuk arritën një marrëveshje me skuadrën e Sampdorias, dhe transferimi në Milano dështoi. Andersen zhvilloi paraqitje të shkëlqyera në Serie A, dhe tani do të nisë një aventurë të re për karrierën e tij, tek Lioni.