Pas huazimit 1 vit më parë nga skuadra e Interit, sulmuesi i Kombëtares, Rei Manaj, arriti të bindte drejtuesit e Albasetes për të blerë kartonin e lushnjarit, i cili ka formosur sot një kontratë 5 vjeçare me klubin spanjoll.
Në prononcimin e tij gjatë konferencës për shtyp, të organizuar me rastin e firmosjes së kontratës së re, Manaj u shpreh tepër i lumtur, duke deklaruar:
“Jam shumë i lumtur që do të vazhdoj të jem pjesë e kësaj skuadre. Objektivi im vitin e kaluar ishte të arrija sa më shumë me Albaceten, këtë vit dua të qëndroj për të arritur objektivin që nuk ia dolëm në sezonin e kaluar. Klubi ka bërë një investim të rëndësishëm për mua dhe unë dua t’ia shpërblej në fushë.
Qyteti dhe tifozët më kanë dhënë shumë përzemërsi dhe qartësisht që kjo ka ndikuar për të vazhduar aventurën. Objektivi im është të shënoj sa më shumë gola e mundësisht të luaj të 42 ndeshjet”, u shpreh Manaj.