Ashtu si Mauro Ikardi ditën e djeshme, edhe Raxha Naingolan është larguar nga grumbullimi me Interin në Lugano.
Siç raporton “Sky Sport” në Itali, belgu do të rikthehet në Milano, dhe nuk do të jetë pjesë e të grumbulluarve të Kontes, për miqësoren ndaj Luganos. Atij i është bërë e qartë se nuk është në planet e klubit, dhe një opsion për të ardhmen është të kalojë në kampionatin kinez.
Gjithsesi, sipas medias italiane, Naingolan mund të niset sërish me ekipin për në turin në Kinë, nëse deri atëherë nuk do të ketë gjetur skuadrën e tij të re.