Nuk ka më dyshime. Ismael Bennacer do të jetë futbollisti i ri i Milanit.
Mesfushori algjerian ka arritur akordin me kuqezinjtë, teksa pritet vetëm zyrtarizimi.
7 herë kampionët e Champions-it do të derdhin plot 16 milionë euro në arkat e Empolit, teksa kësaj shume mund t’i shtohen edhe 2 milionë të tjera në formë bonusesh, në bazë të paraqitjeve të futbollistit.
Gjithashtu zbulohet se algjeriani do të përfitojë rreth 1.6 milionë euro në sezon, teksa do të nënshkruajë kontratë 5-vjeçare.
Për 21-vjeçarin së fundmi shfaqi interes edhe Borusia e Dortmundit, por ishte shumë vonë, pasi Maldini dhe Boban kanë mbyllur gjithçka.
Kujtojmë që Bennacer u transferua nga Arsenali tek Empoli për 1 milionë euro, teksa algjeriani tashmë shpreson të shndërrohet në një xhevahir te kuqezinjtë e Milanit.
