Ish-trajneri i Bylisit dhe Kukësit që ka drejtuar në Azerbajxhan, Naxhi Shensoji, për mediat azere ka deklaruar se Karabaku duhet të ketë kujdes dhe të mos e çojë kualifikimin te penalltitë.
“Me gjithë rezultatin e parë, mendoj se Karabaku i ka shanset më të mira. Ata nuk humbën në Tiranë. Por tani duhet të jemi më të kujdesshëm. Mospësimi i golit në Tiranë mund të jetë shumë i vlefshëm. Të gjitha mendimet për Partizanin do të lidhen për të shënuar dhe për të mos humbur. Unë besoj se Karabaku do ta arrijë qëllimin.
Partizani në rastin më të mirë do t’i imponojë Karabakut luftë që të vuajë, jo më shumë. Por, kjo nuk duhet ta bëjë askënd të qetë. Ekipet shqiptare janë të famshme për guximin e mospërfilljen e tyre. Psikologjia e tyre është e mprehur për të mos hequr dorë kurrë. Ata duhet ta mbajnë në mendje këtë gjë dhe të kenë durim gjatë ndeshjes.
Karabaku nuk duhet ta çojë ndeshjen te penalltitë. Skuadrat e favorizuara, zakonisht humbin te kjo “lotari”. E kam provuar kur drejtoja Pelisterin. Ne luajtëm në finale të Kupës kundër Shkëndijës dhe fituam me penallti. Ata ishin favoritë, por takimi shkoi te gjuajtjet e penalltive dhe në fund fituam ne.
Prandaj, Karabaku duhet të vendosë gjithçka në 90 minuta, në mënyrë që të mos e çojë çështjen e kualifikimit te “lotaria” e penalltive. Unë nuk kam asnjë dyshim se Karabaku do të ketë sukses”, tha Shensoy.
