Jasir Asani është i mendimit se shanset për kualifikim në turin tjetër, mes Karabakut dhe Partizanit, janë 50-50.
Numri “10” i të kuqve” shprehet se ekipi është stërvitur rregullisht këto ditë, dhe do bëjë maksimumin në fushën kundërshtare.
“Këto ditë jemi stërvitur pa ndërprerje. Takimi atje do të jetë shumë i vështirë. Do t’i presim minutat e para, pasi Karabaku ka një ekip të fortë, dhe duam t’i sulmojmë me kundërsulm. Do të bëjmë maksimumin për t’ia dalë në Azerbajxhan. Kualifikimi? Mendoj se shanset janë 50 me 50. Edhe ne kemi një skuadër të mirë. Rëndësi ka të fitojmë, jo se kush shënon. E ardhmja? Besoj se e ardhmja ime do varet edhe nga kjo ndeshje e kthimit. Na mbetet të shohim” – u shpreh Asani.
