Barcelona po përgatit një ofertë të rëndësishme për të kthyer Neymar në “Camp Nou”.
Siç raporton “RAC1”, radio e Katalonjës, një delegacion i madh prej Barcelonës, si Hoze Maria Bartomeu, Oskar Grau, Havier Bordas, Enrike Tomas apo Erik Abidal, u takuan ditën e sotme me përfaqësues të PSG-së, për të bërë një ofertë të majme, zyrtare, drejt klubit francez.
Sipas të njëjtit burim, shifra konkrete nuk bëhet me dije, por mendohet të jetë të paktën 100 milionë euro, si dhe dy lojtarë të klasit të lartë.
Ditët e fundit, flitej për kartonin e Rakitic dhe Coutinhos, por braziliani kaloi tek Bajerni, dhe ndonjë një lojtar tjetër mund të përfshihet në këtë mega operacion.
Kujtojmë që edhe dy javë kohë ka mbetur nga fundi i merkatos me Barcelonën që kohët e fundit është hedhur në sulm për të nënshkruar me Neymar.
