Barcelona ka bërë edhe një tjetër hap fals në La Liga.
Katalanasit nuk kanë marrë më shumë se një barazim 2-2 në përballjen në transfertë kundër Osasunas e vlefshme për javën e 3-të në Spanjë.
Në ‘Estadio El Sadar’, ishte Roberto Torres që hapi serinë e golave në minutën e 7’, duke i dhënë avantazhin Osasunës.
Pjesa e parë përfundoi me avantazhin e vendasve, por kampionët e La Ligës u kthyen fuqishëm në pjesën e dytë.
Ishte 16 vjeçari Ansu Fati ai që shënoi golin e barazimit 1-1 duke u bërë kështu lojtari më i ri në histori të Barcelonës që shënon në La Liga.
Barça përmbysi gjithçka me anë të mesfushorit brazilian Arthur, në minutën e 64’, por nuk arriti të mbante avantazhin deri në fund të ndeshjes.
Roberto Torres shënoi golin e tij të dytë personal duke barazuar rezultatin 2-2 nga pika e bardhë e penalltisë.
Me këtë rezultat, Barça numëron vetëm 4 pikë pas 3 javësh në La Liga.