Pasi mbylli aventurën e tij të lavdishme te Roma, mesfushori italian, Daniele De Rossi ka zyrtarizuar transferimin e tij në Argjentinë te skuadra e Boca Juniorsit.
36-vjeçari prej disa ditësh është bashkuar me ekipin e ri, teksa është pritur me entuziazëm nga gjithë tifozët.
Këta të fundit e vlerësojnë padyshim shumë figurën e tij, ndërsa duan të shkrepin edhe foto me të.
Në një moment, gjatë fotove të shumta me tifozë të Bokës, ka rënë në sy një foto me një fans i cili në ato momente mbante veshur uniformën e Juventusit.
Ky detaj nuk mund t’i shpëtonte De Rossit, i cili gjatë fotos ka mbuluar me dorë stemën e rivalëve të Romës.
Gjesti i tij padyshim që shkaktoi humor, por njëkohësisht tregoi se De Rossi edhe pse larg verdhekuqve, nuk e harron ish-ekipin e tij.
