Filipe Kutinjo thuhet se do të largohet nga Barcelona këtë sezon, dhe ofertat në drejtim të lojtarit nuk mungojnë.
Flitet se për lojtarin interesohen shumë skuadra, një ndër to është edhe Mançester Junajtid, të cilët gjithashtu e duan në skuadrën e tyre.
Për këtë ka folur edhe agjenti i lojtarit, i cili shprehet: “ Junajtid është një klub i shkëlqyer. Unë kam lojtarë atje dhe kam respekt maksimal, por për Kutinjon do të jetë e vështirë, pothuajse e pamundur që të transferohet atje.”, u shpreh agjenti.
Me këtë intervistë agjenti i vendos kapakun, të gjitha lajmeve që e lidhnin emrin e 27-vjeçarit me Junajtid. Së fundmi thuhet se për Kutinjon, interesohet edhe Arsenali, të cilët kanë kontaktuar drejtuesit katalanas, dhe e dëshirojnë lojtarin në huazim.
