Liverpooli fitoi mbrëmjen e djeshme Superkupën e Europës, pasi mundi me penallti Chelsean në finalen dramatike që u luajt në Stamboll.
Koha e rregullt përfundoi 1-1, ndërsa 2 gola të tjerë u shënuar në 30 minutat shtesë, nga një për çdo skuadër dhe fituesi u shpall pas gjuajtjeve të 11-metërshave.
Liverpooli i shënoi të gjitha goditjet, ndërsa Chelsea realizoi 4. Deçizive ishte penalltia e fundit, që u godit nga Tammy Abraham.
Portieri i Liverpoolit, Adrian, priti me këmbë topin e gjuajtur e nga lojtari i Chelseat, por kjo ka sjellë kontestime.
Nga pamjet duket që “gardiani” ishte jashtë vijës së portës dhe sipas rregullores së re, penalltia duhej përsëritur.
Por gjyqtarja franceze e quajti të rregullt dhe Liverpooli fitoi Superkupën e Europës.
Në videon e mëposhtme mund ta shihni momentin e gjuajtjes së penalltisë dhe gjykojeni vetë.
