Philippe Coutinho nuk do të transferohet te Tottenham Hotspur, të paktën jo në formë huazimi.
Edhe pse ishte shumë pranë kalimit te nënkampionët e Europës, ylli i Kombëtares braziliane ka vendosur të refuzojë kalimin te Tottenhami në formë huazimi.
Barcelona ka një mbipopullim në repartin e avancuar dhe nuk e ka më në plane Coutinhon, të cilin e ka nxjerrë në merkato.
Por, pavarësisht se merkatoja në Angli mbyllet pas 24 orësh, Coutinho ka refuzuar një transferim te Tottenhami në formë huazimi, pasi dëshiron të largohet në mënyrë përfundimtare nga Barcelona.