Interi mundi Totenhemin në miqësore gjatë penalltive dhe dha sinjale të mira për të ardhmen. Zikaltrit edhe pse janë bllokuar në merkato, deri tani golat nuk u kanë munguar. Trajneri i skuadrës, Antonio Konte ka folur pas ndeshjes dhe ka lavdëruar lojtarët për lojën që kanë bërë, gjithashtu ai preku dhe teëmn e nxehtë të merkatos.
“Kishim përballë një kundërshtar shumë të vështirë, që sezonin e shkuar shkoi me meritë në finalen e Ligës së Kampionëve. Gjithsesi lojtarët e mi, luajtën pa frikë dhe si të barabartë. Treguan karakter të fortë dhe më pëlqen kjo gjë. Kjo ndeshje është një shenjë që dëshmon dëshirën e ekipit për t’u përmirësuar dhe për të rritur aspektin e personalitetit”, ka thënë Konte.
Për ndeshjen e parë më Leçen në kampionat ai u shpreh: “Për mua është një ndeshje e vështirë, sepse jam rritur në Leçe. Do të jetë emocionuese, jam i lumtur që ata janë rikthyer në elitë, ka një dashuri për klubin, por në 90 minuta do jemi kundërshtarë.”
