Përmes rrjeteve sociale lojtari më i ri i Liverpul Havery Elliot, ka kërkuar falje pas publikimit të një videoje në të cilën ai shfaqej duke përqeshur ‘yllin’ e Tottehnhamit, Harry Kane.
16-vjeçari, i cili iu bashkua Liverpoolit nga Fulhami të dielën, e postoi një video të veten në Snapchat, duke e imituar Harry Kane-in në një mënyrë ofenduese. Videoja e publikuar shkaktoi shumë debat në rrjetet sociale.
Elliotti e përdori llogarinë e tij në rrjetin social Instagram për ta komentuar sjelljen e tij, duke insistuar se atij i vinte me të vërtetë keq për veprimet e bëra, pasi ato nuk e përfaqësojnë atë si njeri.
“Do të doja të kërkoj falje me gjithë zemër për të gjitha ofendimet që u shkaktuan për shkak të videos time që është shpërndarë nëpër internet”, tha Elliot në Instagram.
“Videoja u incizua ndërsa unë po tallesha me shokët e mi në një mjedis privat dhe nuk ishte e drejtuar te ndonjë individ, por unë e kuptoj se veprimet e mia ishin të pamatura dhe të pakuptimta.
“Do të doja ta theksoja se përmbajtja e kësaj videoje nuk më përfaqëson mua si person apo mënyrën se si jam rritur. Më vjen me të vërtetë keq”.
Në video shihet Elliott duke e përqeshur kapitenin e Kombëtares së Anglisë për zërin dhe theksin e tij të të folurit, si dhe duke e ofenduar. Kjo video u publikua të martën.