Thomas Strakosha është shumë aktiv në rrjetet sociale. Portieri i Kombëtares dhe i Lacios poston vazhdimisht foto kur gjendet në momente edhe jo shumë të mira, teksa është në fushën e lojës, duke i shoqëruar ato me komente interesante dhe që shkaktojnë shumë humor te shokët e tij në rrjete sociale.
Një prej tyre është postuar edhe dje, e më pas ka qenë vëllai i tij që e ka ngacmuar. “Unë në moshën 5-vjeçare duke i kërkuar vëllait që të më kthejë topin mbrapsht, sepse nuk më lejonte të luaja”, ka shkruar portieri i Kombëtares që është pasuar nga një koment interesant nga i vëllai i tij, Dhimitri: “Nëse do të të kisha lënë të luaje, nuk do të ishe bërë futbollist.
Ndaj, ji falënderues”. Mes të qeshurash komenton edhe braziliani Felipe Anderson, mik i dy vëllezërve dhe ish-lojtari i Lacios.
