Romelu Lukaku deri më tani kishte vepruar si profesionit, ai kishte zgjedhur të mos krijonte polemika dhe po priste momentin që t’i jepte lamtumirë United, pasi kjo ishte dhe dëshira e tij.
Mirëpo kur tregu i transferimeve në Angli po mbyllej ai vendosi që ta prishë këtë pritje, duke shkuar të stërvitet tek ish- klubi i Anderlecht.
Mirëpo gjatë stërvitjes me klubin belg, Lukaku mbante të veshur një fanellë që kishte sponsor të ndryshëm nga ai i ekipit të Manchester United. Ky veprim i sulmuesit ka tërbuar drejtuesit e “Djajve” , të cilët kanë marrë masat menjëherë dhe e kanë gjobitur 26 vjeçarin.
Drejtuesit i kanë vënë një gjobë prej 500 mijë eurosh sulmuesit belg, pasi veprimi i tij nuk i ka pëlqyer aspak.
Dhe pas kësaj situate marrëdhëniet midis palëve janë acaruar së tepërmi, dhe nuk dihet se çfarë hapash do të ndiqen.
