Cristiano Ronaldo edhe pse në moshën 34-vjeçare, ka përsëri dëshirën për të pasur sukses dhe për të fituar gjithçka.
Portugezi ka hyrë në sezonin e dytë me Juventusin të cilët kërkojnë me çdokusht triumfin në kompeticionin më të rëndësishëm europian.
Megjithatë një lajm shumë i keq për tifozët bardhezi vjen nga Spanja, teksa thuhet se Ronaldo mund të largohet nga italianët.
Sipas asaj që shkruan “Diario Gol”, ylli portugez i ka thënë drejtuesve të Manchester United se dëshiron të kthehet në “Old Trafford”.
“Djajtë e Kuq”, duan të rikthehen përsëri të jenë konkurrues dhe një rikthim i Ronaldos në skuadrën ku u bë i njohur, do ta bënte të mundur këtë.
Thuhet se 34-vjeçari do të largohet në fund të sezonit nga Juventusi, pasi dëshiron të ndjekë dëshirën e zemrës së tij.
