Pol Pogba ishte një nga lojtarët më të kërkuar nga Real Madridi në merkaton verore.
Mesfushori francez pëlqehet shumë nga tekniku Zidan, i cili e donte me çdo kusht në skuadrën e tij. Pavarësisht tentativave të shumta nga klubi spanjoll, asnjëherë nuk mundën të gjejnë gjuhën e përbashkët, për transferimin e 26-vjeçarit në “Santiago Bernabeu”.
Tashmë merkato është mbyllur dhe lojtari është i detyruar të qëndrojë te ”Djajtë e Kuq”. Megjithatë sipas asaj që shkruan ”football365.com”, drejtuesit e Junajtid po mendojnë të rinovojnë kontratën me lojtarin.
Thuhet se anglezët kanë kontaktuar me agjentin Mino Raiola, për t’i komunikuar atij se dëshirojnë të rinovojnë kontratën e cila skadon në verën e vitit 2021.
Te Junajtid nuk dëshirojnë të heqin dorë nga shërbimet e Pogbasë edhe pse ky i fundit shpesh herë ka shfaqur dëshirën për tu bashkuar me Real Madridin.
