Kapiteni i Derby Country, Richard Keogh ka mbyllur sezonin para kohe, për shkak të një aksidenti ku u përfshi me makinë, teksa ai ishte pasagjer dhe në timon ishte shoku i tij i skuadrës, Tom Lawrence.
33-vjeçari ka marrë një dëmtim të rëndë në gju dhe nuk do të jetë në gjendje të zbresë në fushë deri në fund të sezonit.
Aksidenti ishte një ngjarje e rëndë për klubin anglez, që nxori për një darkë lojtarët dhe stafin e ekipit, por një pjesë e lojtarëve kanë ndenjur duke pirë pas darkës dhe më pas kanë refuzuar t’i dërgojnë në shtëpi, duke marrë makinat e tyre dhe u larguan.
Në aksident u përfshinë dy makina, një Range Rover Sport i drejtuar nga Tom Lawrence dhe një Mercedes GLC i drejtuar nga futbollisti tjetër Mason Bennett. Të dy këta janë arrestuar për drejtimin e mjetit në gjendje të dehur dhe shkaktimin e aksidentit, ku për pasojë u dëmtua futbollist Keogh.
Pasoja tepër të rënda për klubin e Championship, që tani duhet të bëjë llogaritë pa disa lojtarë të tyre, për të cilët është komunikuar se do të ketë ndëshkime tepër të ashpra.
