Partizani dhe Bylis luajnë mes tyre takimin e vlefshëm për javën e pestë në Kategorinë Superiore.
Në “Selman Stërmasi” të kryeqytetit, të kuqtë kanë detyrim fitoren teksa një javë më parë, u mundën nga Laçi, dhe një javë para derbit, trajneri Franko Lerda kërkon që të marrë pikët për t’u afruar me Tiranën. Ndërkohë, as tensionet nuk mungojnë tek “demat” në stërvitjen e fundit mes Trashit dhe trajnerit, por ai gjendet sërish në formacion, në një skemë të re të trajnerit italian, 4-3-3.
Nga ana tjetër, Bylisi vjen pas dy fitoresh radhazi, me Skënderbeun e Kukësin, dhe ekipi i Dovedan kërkon sërish një rezultat pozitiv, për të vijuar këtë situatë, edhe pse në kryeqytet ndaj Partizanit kampion.
16:00 | Partizani-Bylis
FORMACIONET
PARTIZANI(4-3-3): Hoxha, Trashi, Belica, Bitri, Mala, Telushi, Romero, Broja, Çinari, Bardhi. Solomon. Trajner: Franko Lerda. 
BYLIS(4-4-2): Hidi, Ymeraliaj, Goxhaj, Bicaj, Peposhi, Ntepe, Mëllugja, Turabov, Ndreca, Guindo, Qardaku. Trajner: Veljko Dovedan.
Gjyqtarë: Kreshnik Cjapi
