Ditën e sotme është zhvilluar mbledhja me të gjithë presidentët e Kategorisë Superiore, në ambientet e Federatës Shqiptare të Futbollit.
Kamerat e “A2 Cnn” kanë kapur një moment, ku shihet presidenti Gazmend Demi teksa bisedon me presidentin e Flamurtarit, Sinan Idrizi dhe atë të Laçit Pashk Laskaj.
Gjatë bisedës shihet teksa Demi i tregon homologëve të tij, se në rast se humb në derbi i pari që do të largohet do të jetë trajneri Lerda. Ndërkohë që Idrizi ironizon duke i thënë se nuk e shkarkon trajnerin.
Biseda e plotë:
Demi: Të mos bëjmë teori kot tani.
Idrizi: Do hysh si ky në fushë ore… (duke iu drejtuar presidentit të Laçit)
Demi: Është bërë biseda.
Idrizi: Do hysh si ky në fushë ore…
Demi: Në qoftë se këtë javë rrifemi në derbi, do shkarkohet i pari trajneri.
Idrizi: Se shkarkon ky po hajde, se heq ky kurrë.
