Që prej derbit me Romën, tifozët e Lacios, kanë shtuar në repertorin e tyre, një kor të ri. Ai ka të bëjë me mamanë e mesfushorit Nikolo Zaniolo.
Të kaltrit ia kanë dedikuar këtë kor, Françeska Kosta, e cila ka përfunduar shpesh herë në vëmendje të mediave rozë, për pozat e saj seksi, si dhe për dëshirën e shprehur publikisht për t’u future në “Big Brother”.
Edhe pse është ngacmues, kori nuk është banal. Madje ai nuk është prezent vetëm në derbin ndaj Romës, pasi është kënduar nga tifozët lacial edhe në sfidën e djeshme ndaj Parmës.
Nisur nga ky fakt, mamaja e mesfushorit, nuk ka nguruar të reagonte në rrjetet sociale. Nëpërmjet një video të publikuar në “Instastory”, ajo shkruan: “Mendoni përherë për mua… Sa të dashur”.
Ndërkohë në korin e tifozëve të Lacios, thuhet se mamaja e Zaniolos është më e bukura. Kjo gjë duket se i ka pëlqyer Françeskës, e cila numëron një numër të konsiderueshëm ndjekësish në rrjetet sociale.
