Një episod i pakëndshëm ndodhi në minutat e fundit të ndeshjes Luftëtari-Bylis. Shkak u bë mosfunksionimi i tabelës elektronike!
Trajneri i Luftëtarit, Marantas, dëshironte të kryente zëvendësimin e 3-të, teksa kërkonte të hidhte në fushë Oshafi, por kjo gjë nuk u lejua nga gjyqtarët, për shkak të mosfunksionimit të tabelës.
Kjo gjë irritoi jashtë mase teknikun grek, i cili e humbi toruan dhe në afro 10 minutat e fundit, u mor vetëm me zyrtarët e ndeshjes, teksa në një moment, mori tabelën e prishur dhe shënoi me lapustilë numrat e lojtarëve që do të ndërroheshin.
I tërbuar nga kjo situatë, trajneri i Luftëtarit nuk pranoi të fliste në prononcimin pas ndeshjes për emisionin “Gol pas Goli”.
