Arsenali dhe Chelsea kanë përmbushur pritshmëritë dhe kanë kryer detyrën, duke triumfuar në sfidat ndaj Bournemouth dhe Southampton, respektivisht me shifrat 1-0 dhe 1-4.
Topçinjtë shënuan që në minutën e nëntë të takimit me anë të David Luiz. Ky i fundit shënoi golin e parë me fanellën e Arsenal në zhvillimet e një goditje nga këndi. Më pas, të besuarit e Emeri e administruan mjaft mirë ndeshjen, duke u mjaftuar me fitoren minimale.
Chelsea nga ana tjetër arriti një triumf me vlera në transfertë ndaj Southampton me shifrat 1-4. Abraham dhe Mount i dhanë avantazhin e dyfishtë “bluve” pas 24 minutash, ndërsa Ings shkurtoi diferencën gjashtë minuta më vonë.
Gjithsesi, të besuarit e Lampard shënuan përsëri në pjesën e parë me anë të Kante, ndërsa në fundin e takimit kishte vend edhe për golin e Batshuayi. Chelsea tashmë ngjitet në vendin e pestë, në kuotë të njëjtë pikësh me Leicester Cityn.
Arsenal-Bournemouth 1-0
David Luiz 9’
Southampton-Chelsea 1-3
Ings 30’ / Abraham 17’, Mount 24’, Kante 40’, Batshuayi 89’