Ndeshja miqësore e ndërprerë mes Breshas dhe Vojvodinës ditën e sotme në Itali, ka bërë bujë edhe në mediat serbe.
Takimi u ndërpre në minutën e 52-të, pasi disa ultras serbë të Vojvodinës, u futën në fushë pasi panë një flamur shqiptar që valëvitej në një nga pjesët pranë fushës ku po zhvillohej ndeshja, me shumë mundësi nga tifozë shqiptarë, dhe më pas arbitri i takimit mbylli ndeshjen.
Por, mediat serbe e quajnë një skandal dhe provokim këtë rast. E përditshmja serbe “Blic” lajmin për këtë incident e ka titulluar: “Skandal në Itali! Shqiptarët provokojnë sebët, kaosi përshkon ndeshjen Vojvodinë – Brescia”.
Po në këtë vijë, është edhe “Kurir”, e cila lajmin e paraqet me titullin: “Skandal në Itali, në një ditë kur shprehej mbështetja për Sinisha Mihajloviç. Shqiptarët provokuan, serbët u futën në fushë dhe ndalën takimin mes Vojvodinës dhe Breshas. Baloteli vendos që ndeshja të mos vazhdojë”.
Edhe portali “novosti.rs”, shkruan se ishin shqiptarët ata që provokuan. “Skena të pakëndshme në Itali, Shqiptarët provokojnë, serbën vrapojnë në fushë. Ndërprietet Bresha-Vojvodona”.
Ndërkohë, një hapësirë të madhe i kanë kushtuar edhe mediat italiane. “Sportmediaset”, “Gazzetta dello Sport” apo edhe “Corriere dello Sport”, teksa raportojnë për ndeshjen e ndërprerë, shkruajnë se kjo erdhi mes përplasjes së ultrasve shqiptarë dhe atyre serbë.
