Liverpuli ka përmbysur Totenhemin në një ndeshje shumë të vështirë dhe spektakolare duke marrë kështu trepikëshin.
Skuadra e Jyrgen Klop, e gjeti veten në disavantazh që në minutën e parë. Heri Kejn nuk fali dhe kaloi në epërsi Spërsat.
Në pjesën e dytë Liverpuli u zgjua dhe në minutën e 52-të, gjeti rrugën e rrjetës me anë të Hendersonit, i cili në shtyllën e dytë, goditi dhe shënoi.
Ishte Salah më pas që nuk gaboi nga pika e bardhë e penalltisë, duke kaluar në epërsi Liverpulin.
Kështu ekipi i Klopit vazhdon të udhëheqë nga vendi i parë dhe ruan diferencën me gjashtë pikë nga Mançester Siti.