Arsene Wenger do të jetë trajneri i ri i Bayernit të Mynihut.
Ky është krye titulli i lajmit të bujshëm nga e përditshmja gjermane “Bild” që e bën thuajse të sigurt këtë lëvizje, e cila pritet të zyrtarizohet në ditët në vijim.
70-vjeçari francez aktualisht është duke punuar në Katar, në kanalin TV beIN Sports, si ekspert i Ligës së Kampionëve.
“Me shumë mundësi, ai pati paraqitjen e tij të fundit atje. Wenger tani është më i preferuari në postin stërvitës në Bayern”, shkruan “Bild”.
Sipas të gjitha gjasave, trajner francez me shumë eksperiencë, do të firmosë me kampionët në fuqi të Bundesligës.
