Tifozët e Bundesligës gjermane shquhen për koreografitë e tyre spektakolare, pak rëndësi ka nëse skuadra që ata mbështesin lufton për Europën apo për mbijetesën.
Por këtë radhë ajo çfarë u pa në “Olimpiastadion” të Berlinit, ishte përtej mbështetjeve personale.
Grupimet e mbështetësve të Herthas së Berlinit dhe Leipzigut u impenjuan në krijimin dhe më pas rrëzimin e një muri simbolik në mes të fushës, një sinkronizim special që evokoi historinë e dhimbshme në Gjermani.
30 vjet nga rënia e murit të Berlinit, u organizua dhe ceremonia para ndeshjes së Bundesligës. Muri u shkatërrua nën sytë e futbollistëve dhe në ovacionet e tifozëve.
