Dani Alvesh vendosi që pa një karriere të suksesshme në Europë, të rikthehet në vendlindje për të mbyllur karrierën e tij.
Në verë, mbrojtësi kaloi te San Paolo, ku megjithatë aventura në këtë klub nuk po shkon në mënyrën më të mirë të mundshme. Ish-lojtari i Barcelonës, Juventusit dhe PSG-së, është kritikuar ashpër për performancën e tij.
Në një intervistë të dhënë së fundmi, 36-vjeçari ka reaguar ashpër ndaj kritikave: “Nuk ka stabilitet në Brazil. Si mund të ndërtoni një karrierë këtu? Kam vetëm 3 muaj që luaj këtu dhe tashmë jam i padobishëm.
Unë jam lojtari më i madh në histori për sa i përket trofeve të fituar, megjithatë ka një debat nëse unë jam i dobishëm këtu apo jo. Kam luajtur për 8 vite te Barcelona dhe kam fituar 23 tituj sepse aty ka stabilitet, gjërat nuk ndërtohen brenda natës.”, u shpreh Dani Alvesh.