Klubi i futbollit Partizani, pasditen e sotme ka udhëtuar me autobus drejt Thumanës, epiqendra e tërmetit me magnitutë 6,3 të shkallës Rihter që goditi fort mëngjesin e datës 26 shtator. Plot 22 viktima janë nxjerrë nga rrënojat e banesave të shembura në këtë territor, ndërsa janë mbyllur zyrtarisht kërkimet.
Por, ajo që është më e keqja, veç dhimbjeve të familjeve që janë shuar dhe kanë humbur të dashurit e tyre, i shtohet edhe gjendja e mjerueshme e Thumanës, e cila tashmë mund të quhet qytet “fantazmë”, duke qenë se së shpejti edhe ato banesa që i rezistuar lëkundjeve të forta sizmike duhet të shemben, pasi nuk ofrojnë asnjë garanci apo siguri.
Partizani ka mbërritur dhe ka ngushëlluar qoftë edhe me ndihma të pastrehët dhe familjet e dëmtuara, ndërsa lotët kanë shoqëruar edhe disa futbollistë teksa kanë parë mjerimin me sy. Familjet që kanë mbijetuar janë vendosur në çadrat e ngritura aty, në pritje që të gjenden banesa për t’i pritur.
NJOFTIMKlubi Futbollit Partizani nis fushatën e solidaritetit. Falë dhe mbështetjes së disa prej sponsorave tanë, nga…
Gepostet von FK Partizani Albania am Mittwoch, 27. November 2019