Partizani ka mposhtur Luftëtarin me rezultatin 2-0, në sfidën e vlefshme për javën e 11-të të Kategorisë Superiore. Një fitore e vuajtur për skuadrën e Lerdës, teksa në pjesën e parë, gjirokastritët humbën një 11-metërsh me anë të kapitenit Rapo.
Për t’i siguruar 3 pikë kampionëve në fuqi mendoi Çinari dhe Asani, që në harkun e 2 minutave, tundën 2 herë rrjetën. Me fitoren e sotme, Partizani merr i vetëm kryesimin me 21 pikë. Në sfidën e radhës, të kuqtë do të jenë mysafirë ndaj Flamurtarit, ndërkohë që Luftëtari pret Teutën.
