Bonja u mposht ditën e djeshme nga Italia në shtëpi, me rezultatin e thellë 3-0, ndonëse këta të fundit e kanë siguruar kualifikimin për në Euro 2020.
Pikërisht kjo humbje nuk ka lënë një shije të mirë te sulmuesi boshnjak, Edin Xheko. Pas përfundimit të ndeshjes, lojtari i Romës përdori tone të ashpra ndaj shokëve të tij të skuadrës. “Çfarë të themi? Ata shënuan në çdo rast që kishin. Kjo nuk është një gjë e mirë, situata duhet të ndryshojë.
Ne kemi lojtarë shumë të mirë, por ata duhet të pyesin veten pse nuk luajnë në klubet e tyre. Askush nuk do të na lejojë të fitojmë lehtë dhe nëse nuk krijojmë më shumë, atëherë nuk kemi fare shpresë. Pjesa e parë nuk ishte e keq, por kjo nuk mjafton.”, u shpreh Xheko.
