Karim Benzema po bëhet shumë kohë që nuk thirret me kombëtaren e Francës, pavarësisht formës së mirë që po kalon tashmë.
Në një intervistë të dhënë së fundmi presidenti i Federatës Franceze të Futbollit, i mbylli përfundimisht dyert e kombëtares sulmuesit. “Ai është një lojtar shumë i mirë, nuk kam asnjë dyshim për cilësitë e tij. Te Reali ai dëshmon se është një nga lojtarët më të mirë në roli e tij, por aventura e tij me Francën ka përfunduar.”, u shpreh Noel Le Gret.
Nuk ka munguar as përgjigjja e futbollistit, i cili nëpërmjet një postimi në “Twitter”, ka thënë se vendos ai vetë se kur do ta mbyllë me kombëtaren. “Noel, mendoja se ti nuk ndërhyje në vendimet e stafit teknik. Duhet të dish diçka, që vetëm unë mund t’i jap fund karrierës me kombëtaren.
Nëse mendoni se aventura ime aty ka përfunduar, atëherë më lër të luaj për një nga kombëtaret që kam marrë ftesën dhe e shohim pastaj.”, shkruan Benzema.
