Mançester Junajtid nuk i frikësohen shpenzimeve të çmendura në merkato.
Thuhet se “Djajtë e Kuq” po planifikojnë të heqin nga duart e Leiçesterit mesfushorin me tipare sulmuese Xhejms Medison. Dhe gjigantët e futbollit janë gati të paguajnë jo pak, por plot 93 milionë €. Megjithëse 23-vjeçari është pranë rinovimit të kontratës, “Starsport” zbulon prapavijën në merkaton e ardhshme verore ku beson se trajneri i “Djajve të Kuq” do të tentojë me të gjitha mënyrat për të bindur anglezin.
Kujtojmë se Mançester Junajtid shpenzoi po këtë shifër për të sjellë gjatë verës qendërmbrojtësin Herri Meguajer po nga Leiçesteri.
Pas rezultateve zhgënjyese në këtë sezon, Solskjaer beson se klubi duhet të shpenzojë një shifër të konsiderueshme për të përforcuar skuadën.