Futbollisti i Kosovës dhe Veronës Amir Rrahmani dëshmon se nuk është thjesht një mbrojtës i aftë, por dhe një golashënues vendimtar.
Në shumë sfida deçizive të “Dardanëve” ai ka realizuar gola me peshë, por të shënosh me klas nuk është karakteristikë e qendërmbrojtësve.
Gjatë një seance të fundit stërvitore të skuadrës së Veronës, 25-vjeçari kalon mrekullisht topin pas shokut të skuadrës në stilin “Denis Bergkamp” dhe më pas shënon lehtësisht.
Duke parë golin legjendar të ikonës së futbollit europian Bergkamp kundër Njukasëllit në vitin 2002, Rrahmani i afrohet shumë me “perlën” e tij. Jo më kot, ai u vlerësua këtë vit si njëri prej mbrojtësve më të mirë të kampionatit italian.
