Karlo Ançeloti u shkarkua nga stoli i Napolit të martën në mbrëmje, për shkak të rezultateve të dobëta në kampionat. Tre ditë pas shkarkimit, tekniku italian ka nisur takimet për të vazhduar profesionin e tij në një tjetër skuadër.
Sipas asaj që shkruan “The Sun”, Ançeloti ka udhëtuar drejt Anglisë, ku do të ketë një takim me drejtuesit e Evertonit. Këta të fundit shkarkuan para pak ditësh Markos Silvan, dhe po mendojnë që t’ia besojnë Ançelotit drejtimin e ekipit, ndonëse nuk dihet ende nëse italiani do të pranojë.
Megjithatë nuk është vetëm Evertoni që interesohet për teknikun, pasi edhe Arsenali ka shfaqur interes për t’i besuar drejtimin e skuadrës 60-vjeçarit. Orët e ardhshme do të jenë vendimtare, për sa i përket të ardhmes së Ançelotit.
