Ishte një Rino Gattuso me pak dëshirë për të buzëqeshur, ai i sotmi, në konferencën e shtypit, ku foli në prag të ndeshjes kundër Lazio. Ai konfirmoi mungesën e madhe te të tijtë, Koulibaly:
“Dy, ose tri rezultate pozitive janë të nevojshme për t’i dhënë vazhdimësi një “shtegu”, që po fillon të jetë i duhuri. Unë shoh entuziasëm të madh te skuadra. Problem është vetëm si të ngjitemi në klasifikim, që nuk mund të jetë ai aktual. Meret jashtë? Do ta shihni nesër. Ai vjen nga dy ditë pa stërvitje, megjithatë kam Ospina dhe Karnezis. Të dy janë portierë të shkëlqyer. Koulibaly nuk do të luajë, nuk është akoma mirë, nuk mund ta rrezikojmë”.
