Ditën e sotme do të luhet një nga derbit më të mëdhenj në Greqi, siç është ai ndërmjet Olimpiakosit dhe Panathinaikosit.
Një ndeshje kjo me shumë rivalitet, e cila gjithmonë ka qenë e luftuar në fushë, por edhe jashtë saj. Nuk kishte si të ndodhte ndryshe edhe sot.
Tifozë të shumtë të Olimpiakosit ishin mbledhur afër stadiumit, për të pritur skuadrën e tyre. Megjithatë nuk ka shkuar çdo gjë ashtu siç pritej, teksa më pas tifozët janë përplasur me policinë. Menjëherë policia ka shpërndarë gaz lotsjellës, në mënyrë që të shpërndahej turma.
Tifozët e shumtë hodhën edhe tymëse në drejtim të autobusit të skuadrës së Panathinaikosit, gjatë kohës kur lojtarët zbritën nga aty, duke iu shkaktuar edhe disa probleme.