Zlatan Ibrahimovic ka rindezur shpresat e Milan-it për ta vazhduar sezonin në një mënyrë më të mirë nga sa e kishte nisur.
Efekti “Zlatan” është parë që në ndeshjen e parë të luajtur kundër Sampdoria-s, por kryesisht në fitoren e marrë nga Djalli në fushën e Cagliari-t, në të cilën ai është kthyer edhe te goli.
Megjithatë, sipas Expressen, sulmuesi dhe familja e tij e kanë vendosur se çfarë të bëjnë në fund të sezonit.
Zlatan mund të kthehet në Suedi, ku familja e tij ka shkuar të jetojë në një rezidencë luksoze prej 1000 metrash katrorë.
Duket e qartë se gruaja dhe fëmijët e sulmuesit e kanë përcaktuar të ardhmen e tyre.
Për momentin, Ibrahimovic jeton në një hotel, por në fund të eksperiencës me kuqezinjtë mund të kthehet në Suedi.