Vajza e famshme, Kinsey Wolanski, që u fut në fushën e blertë duke vjedhur vëmendjen më të madhe në finalen e Champions Leagues 2019, ka bërë një tjetër veprim të ngjashëm.
23-vjeçarja befasoi shikuesit, duke ndërprerë për disa momente Kupën e Botës të skisë në Schladming të Austrisë.
Italiani Alex Vinatzer sapo kishte përfunduar paraqitjen e tij dhe kur turma e pranishme shpërtheu në brohoritje, ai filloi të festonte pasi mendoi se theu ndonjë rekord. Megjithatë, brohoritjet nuk ishin për të por për bionden gjysmë të zhveshur Wolanski.
Ajo po vraponte gjysmë e zhveshur nëpër pistë me një pankartë ku shkruhej “RIP Kobe” (shqip. U prefsh në paqe, Kobe), në kujtim të legjendës së basketbollit, Kobe Bryant, që vdiq në fundjavë pas një aksidenti tragjik me helikopter.
