Përjashtimi i Mançester Sitit për dy vitet e ardhshme nga Liga e Kampioneve ka hapur shumë pista për largimin e futbollistëve dhe ekipet e mëdha kanë hedhur “grepat” te skuadra e Guardiolës.
Reali i Madridit ka shfaqur interes për dy nga futbollistët më të mirë të “Qytetarëve”. Mediat spanjolle raportojnë se Zinedin Zidanit i intereson dyshja Sterling-De Bryjne dhe gjatë këtyre ditëve ka kërkuar informacione rreth çmimit dhe vlerës që kanë këta futbollistë.
Sterling kushton 180 milionë paund dhe duket sikur kjo shifër e tremb disi Florentino Perezin, i cili ka si objektiv kryesor në merkaton e ardhshme sulmuesin Kilië Mbape. Rivaliteti do të jetë shumë i madh sepse edhe skuadra të tjera kanë shfaqur interes për lojtarët e sipërpërmendur, por Siti do të tregojë “muskujt” dhe do të bëjë gjithçka për t’i mbajtur.
